బెంగాల్ ట్రెండ్లతో న్యాల్కల్లో బీజేపీ సంబరాలు
న్యాల్కల్, మే 4
2026 ఎన్నికల ప్రాథమిక ఫలితాల నేపథ్యంలో పశ్చిమ బెంగాల్లో భారతీయ జనతా పార్టీ (బీజేపీ) భారీ విజయ దిశగా పయనిస్తున్నట్లు తొలి ట్రెండ్లు సూచిస్తున్నాయి. బీజేపీ 100 సీట్ల మార్కును దాటుతూ టీఎంసీకి గట్టి సవాలు విసురుతున్నట్లు సమాచారం. కొన్ని నివేదికల ప్రకారం పార్టీ సుమారు 190కి పైగా సీట్లు సాధించే అవకాశం ఉందని అంచనా వేస్తున్నారు.
ఈ పరిణామాలపై దేశవ్యాప్తంగా బీజేపీ శ్రేణుల్లో ఉత్సాహం నెలకొంది. పశ్చిమ బెంగాల్లో “తామర పువ్వు వికసించింది” అంటూ నాయకులు వ్యాఖ్యానిస్తున్నారు.
ఈ సందర్భంగా సంగారెడ్డి జిల్లా న్యాల్కల్ మండల కేంద్రంలోని బస్టాండ్ వద్ద సోమవారం బీజేపీ నాయకులు, కార్యకర్తలు సంబరాలు నిర్వహించారు. “జై బీజేపీ”, “జై శ్రీరామ్” నినాదాలతో ప్రాంతం మారుమోగింది. కార్యకర్తలు పటాకులు కాల్చి, స్వీట్లు పంచుకొని ఆనందం వ్యక్తం చేశారు. అదేవిధంగా అస్సాం, పుదుచ్చేరి రాష్ట్రాల్లో కూడా బీజేపీ జెండా ఎగిరిందని వారు పేర్కొన్నారు.
ఈ సందర్భంగా మండల అధ్యక్షుడు మల్లేష్ మాట్లాడుతూ, దేశవ్యాప్తంగా వెలువడుతున్న ఈ ఫలితాలు బీజేపీ పట్ల ప్రజల్లో ఉన్న విశ్వాసానికి నిదర్శనమని అన్నారు. ప్రధానమంత్రి నరేంద్ర మోదీ నాయకత్వంలో జరుగుతున్న అభివృద్ధిని చూసే ప్రజలు మళ్లీ బీజేపీకే పట్టం కట్టారని పేర్కొన్నారు.
ఇక కాంగ్రెస్ పార్టీపై విమర్శలు గుప్పిస్తూ బీజేపీ కార్యకర్తలు “తమిళనాడులో కాంగ్రెస్ 0, వెస్ట్ బెంగాల్లో కాంగ్రెస్ 0, అస్సాంలో కాంగ్రెస్ 0, పుదుచ్చేరిలో కాంగ్రెస్ 0… తదుపరి తెలంగాణలో కూడా కాంగ్రెస్ 0 అవుతుంది” అని వ్యాఖ్యానించారు.
ముఖ్యాంశాలు:
• బెంగాల్ ఫలితాలతో బీజేపీ సంబరాలు
• న్యాల్కల్ బస్టాండ్ వద్ద కార్యకర్తల వేడుకలు
• “జై బీజేపీ” నినాదాలతో మారుమోగిన ప్రాంతం
• బెంగాల్ ఫలితాలతో బీజేపీ సంబరాలు
• న్యాల్కల్ బస్టాండ్ వద్ద కార్యకర్తల వేడుకలు
• “జై బీజేపీ” నినాదాలతో మారుమోగిన ప్రాంతం
